Samtang nagpaabot mi sa gi-order nga pagkaon, gibuksan ni Neggar ang TV ug mitan-aw og salida. Dula sa football nga gipasalida sa cable TV ang iyang gitan-aw.
Pag-abot sa gi-order namong pagkaon, nangaon dayon mi. Samtang nangaon, nagkalingaw mi’g kabildo. Kumportable ko sa akong pagpakig-uban ni Neggar sulod sa mabugnaw’ng lawak. Maayo ang among bonding.
Human sa pangaon, gipadayon ni Neggar ang pagtan-aw sa salida sa TV. Misulod ko sa banyo ug naligo. Gibati ko ang kahilwas sa akong kaugalingon samtang nagpatungod sa busagak sa bugnaw’ng tubig sa shower.
“Wow,†ni Neggar pa dihang nigawas na ko sa banyo. “Kahumot.†Igo lang kong mipahiyom. Gipalong ni Neggar ang TV ug ako nay iyang gihatagan og pagtagad.
“Gipawong lagi nimo ang TV?†Nagpagoryo-goryo ko.
“Anugon ang lab-as nga isda kun imong padugayon, madubok unya, anugon,†hagawhaw ang tingog ni Neggar. “Dili puyde ibalewala ang imong kahumot.â€
Wala ko motingog. Nagkatinutokay mi si Neggar. Unya mao na lay akong naamgohan nga nag-akob na ang among mga ngabil sa pinadulot nga hinagkanay. Nagtinal-opay ang among mga dila.
Pagkilab sa mga gutling, pareho na ming wala’y sapot. Naghayang ko nga naghigda sa ibabaw sa kama samtang gikaligoan paghalok ni Neggar ang lainlaing parte sa akong lawas. -- Sumpayan pa