“Hala, kadako adtong langgama!†ni Badong pa nga nakabantay sa usa ka dakong langgam nga itom ang kolor nga misakdap samtang sila nanag-inom diha sa tindahan ni Inse Soling. Wala na ganahing miipis sa iyang baso si Badong kay gibati siya’g kahadlok. Siya gyod ang nakakita kay sila si Temyong ug Selmo nalingaw ma’g tabi samtang nag-ipisay sa ilang mga baso. Bino ang ilang giinom karon.
“Unsa to, Bay Badong, usa ka itom nga langgam ang imong nakita nga misakdap nato?†ni Temyong pa nga nagtingsi. Namuwa na ang nawong kay huboghubog na.
“Ungo seguro to, Bay Badong,†ni Selmo pa. “Aw, kun ungo tong langgama ug unya motugpa siya dinhi nato, ato siyang himoong pulutan, he, he, he....â€
Mao kini karon ang nakapaukay sa sityo Tigmo-Tigmo. Dunay dakong langgam nga itom nga mobahis lang og kalit ug unya magsakdapsakdap ra ba patungod sa may tindahan. Mora’g dili mahadlok og daghang tawo. Ug nagubot pa gyod ang mga lumolupyo dinhi sa sityo dihang may gibalbal. Ang gibalbal mao si Henyo, ug ang tanan nagtuo nga mangtas nga ungo ang mibiktima ni Henyo. Ug kadtong langgam itom mao na to ang mangtas, mao nay pagtuo sa taga sityo Tigmo-Tigmo. Unya, si Lolita nga anak ni Itray-Otik nga dugay nang nangamatay dihang naapil sa pagka bangga sa bus nga ilang gisakyan misulti ngadtong Badong nga siya kadtong itom nga langgam.
“Ayaw komedya diha, uy, Lolit,†nahikatawa si Badong. Ibog kaayo si Badong ni Lolita ug misaad nga kun sugton lang siya misaad nga mag-ihaw gyod siya’g duha ka buok baka sa adlaw sa ilang kasal.
“Unya gusto ka, nga ang imong umaabot nga asawa usa ka mangtas nga ungo?†ni Lolita pa nga nagpahiyom.
“Bahala na, uy, hasta lang maangkon kita, Lolita,†ni Badong pa.
Unya usa ka gabii dihang namisita si Badong kang Lolita mao gyo’y iyang nakita nga ang langgam itom nga dako kaayo kalit lang mitugpa sa may tugkaran sa usa ka payag nga dunay nagpuyo nga babayeng mabdos. Ug maoy mibantang sa mga mata ni Badong nga ang itom nga langgam nahimong usa ka babaye nga misaka sa payag. Unya maoy nabati ni Badong ang tingog sa usa ka babaye nga nangayo’g pakitabang nga nagkanayon: “Tabangggggg! Tabanggg mga silingannnn! Dunay ungo nga nakasaka sa among payagggg! Tabanggggg! Iya kong gibugnooooo!â€
Midali pagduol si Badong ug iyang gisinggitan si Lolita. “Lolitaaaa! Lolitaaaa! kun ikaw man ugaling na, ayaw intawon balbala ang mabdos nga babaye, maluoy kaaaa!†ug nakita ni Badong may midali og kanaog gikan sa taas sa payag ug nakaila siya. Si Lolita! Ug wala dangti’g lima ka segundos kalit lang kining nahimong itom nga langgam ug dayong lupad pahilayo sa payag. Dinhi nakahukom si Badong nga wad-on na lang niya ang iyang kaibog sa babaye nga usa diay ka mangtas nga ungo. Ug milakaw siya nga samaran ang kasingkasing. (Katapusan)