Nganong molaban man ka’g sad-an, attorney?†sukot sa usa ka batan-ong lalaki ngadto ni Atty. Paul Rebato. Nigukod gyud ang batan-on sa abogado sa lobby sa Palace of Justice. Bag-o lang nahuman og basa (arraignment) ang kasong Homicide (pagpatay) batok ni Ernie Suntal, kliyente ni Paul. Piyansado iyang kliyente.
Ug nigawas na sa husgado si Paul kay gi-eskudyol og laing adlaw ang sunod hugna sa kaso. Kanang gitawag og pre-trial conference. Naisang kilay ni Paul nga nilingi sa nangutana. “ha? Kinsa may sad-an imong gipasabot?†ni Paul. Niurong sa paglakaw. Giatubang ang batan-ong lalaki nga wa pay trayenta og hitsura. “Si Ernie ba. Sad-an man siya. Kay daghan mang testigos sa pagdunggab niyas biktima†sa batan-on. “Nganong kaila ka man ni Ernie?†ni Paul. “Silingan man mi. Best friend man to nako iyang gidunggab†sa batan-on.
“Duna man goy gitawag og presumption of innocence. Ang tawo nga makabuhat og dautan, dunay Constitutional right nga nagpasabot nga siya dili pagailhong sad-an hangtud maproybahan sa husgado nga sad-an siya. Husgado ray makaingon nga sad-an siya. Busa, samtang wa pay hukom ang husgado, wa pay sala si Ernie†ni Paul. “Buanga god diay, attorney. Mao diay na ang balaod?†sa batan-on. “Mao gyud! Nakabantay ka nga ang dakponon sa pulis human nakahimo’g salaod, nganlan pag suspek o gikatahapan? Dili pa nganlan og kriminal. Kay ang husgado ra may mohukom kun kriminal ba siya o dili,†ni Paul.
“Salamat, attorney. Nakasabot na ko,†sa batan-on. “Way sapayan†ni Paul. Nipahiyom ug nihinay og lakang padulong sa gawas sa Palace of Justice. “Maayo sab ka, attorney. Kay makig-istorya man ka’g mga tawong ignorante. Imo pa gyung pasabton. Dili ka seko, parehas sa kasagarang abogado†sa batan-on. “Imo ra na ha!†ni Paul nga nipaspas na sa iyang lakang.