Dear Tita Salie,
Have a wonderful day. I just hope that you are always in good health. By the way, just call me Diana, 18 years of age, ug nagpuyo ko diri sa Aburo, Lapulapu City. Nagkinahanglan gyod ko sa imong advice because wala na gyod ko kasabot sa akong sitwasyon karon.
Ang akong problema mahitungod kini sa akong mga igsuon nga dili ko kasabot kun nganong ingon sila niini. Kini akong ate sobra ka insecure nako. Kanunay lang siya mainggit nako ug permi lang ko niyang awayon kay wala kuno siya’y salig nako. Bisan pa man sa iyang uyab, Tita, matud niya nga dili kuno siya mokompyansa nako kay basin kun ako kining ilogon.
Duna baya ko’y boyfriend, Tita, ug 4 years na ang among relasyon. We really love each other, Tita ug happy kaayo ko sa among relasyon busa wala gyod ko’y plano nga mangilog pa og laing uyab.
Kini usab akong kuya, Tita, kay mora og dili ko niya love tungod kay dili man ko welcome sa ilaha, labina gyod kun kuyog nako ang akong uyab. Unta igsoon man nako siya apan nganong ingon man niini ang ilang treatment nako?
Naglibog gyod ko busa palihog pasabta ko. Thank you so much and may God bless you always.
* * *
My dearest Diana,
Duna gyo’y daghang mga tawo nga kanunay insecure sa uban. Dili sila makasalig sa laing tawo tungod wala sila’y pagsalig sa ilang kaugalingon. Ang tawo nga ingon niini gamay kaayo og pagtan-aw sa iyang kaugalingon mao nga anaa kanunay ang iyang kahadlok kay duna may daghan nga mas labaw pa niya og kakayahan. Seguro sa iyang tan-aw mas gwapa ka kay kaniya. Mas buotan ka kay kaniya, mas attractive ka kay kaniya, busa tungod sa iyang hunahuna mahadlok siya nga basin mabalhin ang pagtan-aw sa iyang uyab nganha kanimo tungod kay labaw man ka kay kaniya.
Sabta lamang ang imong ate ug ayaw kontrahe. Angayan nimo siyang kaloy-an ug tabangan aron iyang ma-overcome ang mao niyang batasan. Tabangi siya nga iyang ma-appreciate ang iyang kaugalingon ug motaas ang iyang pagtan-aw niini.
Tingali kun dili lang gyod ganahan ang imong kuya sa imong hinigugma ug iya kining gipakita diha kanimo lamang. Suwayi pag-adto sa ilaha nga ikaw lang ug wala ang imong hinigugma kun mao lang ba gihapon ang iyang tinagdan diha nimo. Puyde nimo ikuyog ang imong ate aron usab mahinay-hinay og kasuod ang inyong tagsa-tagsa ka kaugalingon ug mosugod na siya pagsalig kanimo.
Kun imo nang masayran nga ang imong boyfriend ang hinungdan nga dili ka welcome diha na ka mangita og paagi nga sila magkasuod ug masayran kun unsay hinungdan. -- Tita Salie