Gula 151
“Gusto pa kong morebansin,†nagkanayon si Raffy.
“Pauli na please...†ug giablihan ko ang pultahan sa among balay aron mogawas na siya.
“Okey, Maria,†ni Raffy.
Dihang nakabiya na si Raffy, mibalik ko’g sulod sa akong lawak. Mihigda ko nga ang mga mata gitutok sa kisame. Ang akong gihunahuna mao ang nahitabo tali namo ni Raffy dili pa lang dugay.
Kun nagpugong pa lang ko sa akong kaulag, wala untay nahitabo tali namo ni Raffy. Apan midaug ang akong kahuyang. Gipanglimotan ko ug daw nawad-an sa hustong panghunahuna. Mipatigbabaw ang awhag sa unod. Ug nagmadaugon ang tentasyon.
Unya mibati ko’g kabalaka dihang misantop sa akong hunahuna nga karong nasugdan ko na ang pagbalik sa kanhi kong bisyo, tingalig dili na sab ko makalikay sa dugang pang tentasyon nga moabot sa akong kinabuhi.
Usa ka adlaw niana, samtang nagbasabasa ko og Bibliya, mitingog ang message alert tone sa akong selpon nga gipatong sa lamesita sa may sala. Akong gisusi kun kinsay nag-text. Si Raffy diay.
“Gimingaw ko nimo, Maria. Milarga ang akong amo, busa wala ko’y lakaw. Puyde ta. Mangadto ta sa siyudad,†maoy unod sa text ni Raffy.
Sa makadiyot naghinuktok ko. Makigkita ba ko ni Raffy o dili? Kini ang gipangutana ko sa akong kaugalingon. -- Sumpayan pa