Gula 144
Nakahukom kong dili na tiwason pagtan-aw ang salida. Lisod nag mahinayak. Tingalig, mao kini ang makaingon nga mahibalik ko sa kanhi nakong bisyo sa pagpakigrelasyon sa lainlaing lalaki aron lang matambalan ang makabuang nga kahigal nga miulipon kanako.
Nagpasalida ko’g lain. Usa ka English nga pelikula nga nag-ulohan og “My Bestfriend Wedding†nga gibidahan ni Julia Roberts. Nindot baya unta ang estorya sa maong pelikula apan wala ko malingaw. Ang akong hunahuna gikuligaw sa kahasol. Dili gyud mawala sa akong kaisipan ang romansa nga nahitabo sa salida nila ni Dennis Trillo nga maoy una nakong gitan-aw.
Gipalong ko ang TV nga maoy akong gipasalidahan sa DVD. Nakahukom kong mamati na lang og music pinaagi sa component. FM Station ang akong gipaminaw sa 94.7 kay nindot ang ilang mga music mellow.
Bisan unsa na lay akong gibuhat aron mawagtang ang sulod sa akong hunahuna nga x-rated tungod sa akong gitan-aw. Naglagot ko sa hilom sa akong kaugalingon kay dili man gyud kini malaksi sa akong panumdoman.
Mipasopaso ko sa hawanan sa sala aron paghatag og relief sa akong kaugalingon. Apan daw nagsalimuang na hinuon ang akong hunahuna. Hangtod nga misantop sa akong hunahuna si Raffy. Gikuha ko ang akong selpon ug ako siyang giteksan. -- Sumpayan pa