Pre, akong mga ig-agaw gusto mang mamawi og yuta nga dugay nang gibaligya sa among apohan. Papirmahon man ko nila’g complaint. Unsa may imong ikatambag nako?†ni Ciano, best friend ug kumpare ni Atty. Orly Nabala. Nakatyming og tawag sa telepono si Ciano sa abogado nga hapit na moadto sa husgado aron pagtambong og bista.
“Tayminga gyud nimo pre. Pila na man ka tuig ang nilabay sukad pagbaligya sa inyong apohan?†ni Orly nga naggunit sa telepono sa walang kamot ug nagtapion ini sa walang dunggan niya. Naghukas na aron mag-ilis og barong. “Sobra na kuwarenta ka tuig, pre†sa pikas linya. “Unsay produkto sa yuta?†ni Orly. “Lubi, saging ug mais†ni Ciano. “Kinsay nagpahimulos sa abot?†ni Orly. “Ang nakapalit na†ni Ciano.
“Ay na lang og apil anang kasoha pre. Kay delikado ka’g pabayron og counterclaim†ni Orly.â€Mao ba, pre? Ngano man pre?†ni Ciano. “Dunay termino legal nga nag-ingon prescription. Kining prescription walay tukmang Binisaya. Apan ang gipasabot ini nga sa paglabay sa panahon, ang tawo nga dunay claim o katungod, unya wala magpakabana sulod sa trayenta ka tuig, mahingpit na nga mawala iyang katungod. Ug ang naghupot sa yuta, malig-on iyang katungod. Matawag na’g bahaw o paso na nga katungod†ni Orly.
“Unya, unsa may buhaton nako pre?’ ni Ciano. “Balibari imong mga ig-agaw. Ingna sila, nga dili ka manggilabot anang kasoha†ni Orly. “Salamat kaayo, pre. Nalangan hinoon ka†ni Ciano. “Way problema pre. Basta ikaw†ni Orly. Gibutang ang telepono. Ug gikuha ang barong nga gibitay luyo sa aparador sa mga libro.