Apan sa akong hunahuna, dawaton pud kaha ko sa pagka-Madre kun ilang masayran ang akong mga kasinatian sa kinabuhi? Modawat kaha sila bisan dili na virgin?
Nagpanglingo ko sa akong kaugalingon. Hangtod nga miabot na kami sa sulod sa simbahan ni papa Juan.
Pagkahuman namo og tambong sa misa nangadto kami ni papa sa merkado aron mamalit og among lutoon alang sa paniudto.
“Nakapangompisal ka na ba, Maria? Sukit ni papa Juan.
“Dugay na gyud pa. Niadto pang high school pa ko.†Maoy akong tubag.
“Gusto kang mangompisal? Matud ni papa.
Ug wala nako tubaga si papa. Igo lang ko nga mi-smile kaniya ug miduko.
“Ayaw una pagsulod sa pagka-Madre,†sugyot ni papa Juan. “Mas maayo siguro nga dili nimo dali-dalion ang imong hukom.Mas maayo tingali nga anaron una nimo ang imong kaugalingon nga dili na magsige og suroy kay mao man kini ang kinabuhi sa mga madre. Ug dapat magsige ka og adto sa simbahan.
Husto si papa dili maayo nga magdali-dali ko sa paghukom. Mas maayo gyud tun-an nako ang kinabuhi nga diosnon.
Ug kada buntag na ko mokuyog ni papa Juan sa among parokya aron sa pagtambong og misa. -- Sumpayan pa