Usahay, kapoyan na kong mo-reply sa mga text ni Walter. Ang mga text ni Darwin maoy seguroon nako pagtubag. Mora bag mibalhin pagtuyok ang akong kalibotan didto kang Darwin. Tungod seguro kay siya man anaa kanunay kun manginahanglan ko.
Si Darwin mao ang tipo sa lalaki nga gitawag nga “lady-killer†bahin sa sex. Uban kaniya nasinati nako ang lainlaing posisyon sa panaghilawas gikan sa missionary position ngadto sa woman-on-her-stomach-position, woman-on-top-position, woman-astride-position ug uban pa nga akong nakit-an sa mga x-rated nga film nga akong natan-aw.
Kun ako silang hatagan og assessment, superyor kaayo ang performance ni Darwin sa sex. Kini ang hinungdan nga labihan ang pagkayabag sa akong utok. Mora ko’g magsalimuang kun dili kami magkakita. Mao nga sa higayon nga dili siya mokontak nako ako na mismo ang manawag kaniya ug hagdon siya nga magkita kami.
Ang pagsulod sa usa ka pribadong lawak ingon sa nahimo nang routine namo ni Darwin. Didto walay pagkapuol namong saw-an pagtagay ang dugos sa lawasnong himaya. Samtang nagkadugay, ingon sa nagkahangol na hinuon kami sa unodnong kalipay. Ug nabatyagan ko nga inanay nang nahulog ang akong pagbati ngadto kang Darwin. Dili ko gustong mawala siya sa akong kinabuhi tungod kay nakakat-on na ako sa paghigugma niya. Nabuang na gayod ako sa palami nga gidul-it ni Darwin kanako. -- Sumpayan pa