Hunyo 20, 2008. Gipugngan sa Philippine Coast Guard ang barkong molawig sa nasud tungod sa nagsingabot nga bagyo. Apan gawas lamang sa 23,000 gross tonnage passenger/cargo ship nga gipanag-iya sa Sulpicio Lines diin mao ang MV Princess of the Stars.
Niadtong gabhiona, malipayong nakadawat sa tawag si Arlene gikan sa abroad niyang bana.
“Mahal, moabot ko diha sa Cebu ugma, kansel ang tanang biyahe sa eroplano ug sa ubang barko tungod sa dili maayong panahon. Maayo na lang gani tungod kay gitugotan kining Princess of the Stars ug ania nakasakay ako,†ni Dino nga malipayong nagpahibalo usab sa iyang asawa.
“Wala na lang unta ka miahat sa pagsakay Din, mas maayo unta’g imo na lamang gipalabay ang bagyo ug pagkasunod adlaw na ka mobiyahe paingon dinhi,†ni Arlene nga may nagpahiping kabalaka.
“Ayaw lang kabalaka kay matud pa sa taga PCG kaya ra niining barkoha nga mobiyahe sanglit aduna kini igong gidak-on nga makasukol sa mga dagkong balod,†dason ni Dino.
“Ug dili na usab ako makapaabot pa sa laing adlaw tungod kay gimingaw ug naghinam-hinam na gayod akong makita pag-usab ang mahal ug pinangga kong asawa uban sa among mga anak,†dugang pa sa gihidlaw’ng bana.
“Saba ka diha Dino uy! Mura man hinuon dili ka makapaabot hahahaha...†tiaw ni Arlene sa bana.
“Bitaw mahal, ingon man usab niana ang akong gibati diha kanimo,†dugang sa asawa nga anaa sa pagkaseryoso.
Tulo ka tuig usab nga nalayo si Dino sa iyang pamilya dihang gihuman niya ang kontrata isip usa ka construction worker didto sa Saudi Arabia. Tulo ka tuig usab nga iyang giantos ang kamingaw sa pangindahay nga mahatagan niya og maayong kaugmaon ug hamugaway nga kinabuhi ang iyang pamilya diin wala niya makaplagi dinhi sa atong nasud.
“Ang akong pasalubong papa ha, ayaw baya kalimti!†sa kamaguwangang anak nga si Dennis samtang mikawat-kawat pag ilog sa selpon nga gikuptan sa iyang inahan.
Aduna pa untay daghang isulti si Arlene apan kalit lang naputol ang signal ni Dino.
Pagkasunod adlaw, petsa 21 sa buntag, maoy mipukaw ni Arlene ang naghangos-hangos niyang inahang si nanay Gloria.
“Arlene! Arlene! unsa gani tong barkoha ang gisakyan ni Dino?,†pakisusi sa inahan ngadto sa anak dihang mibangon na kini sa iyang gihigdaan.
“Princess of the Stars nay Gloria. Yuna pa, nganong naghangos ka man?,†tuki usab ni Arlene.
“Unsa? Princess of the Stars!? Ginoo ko...†ni nanay Gloria pa nga nasagmuyo.
“Ngano man diay nay, unsa may nahitabo?,†ni Arlene nga nagbuto-buto na ang dughan sa tumang kakulba.
“Gisibya karon sa radyo nga kanang barkoha nalunod didto sa Romblon,†sugid pa sa inahan.
“Ayaw gani pagtiaw diha nanay Gloria uy.â€
Ingon sa wala hisabti ang pamati ni Arlene. Unya wala siya maglangay ug gipaandar usab niya ang TV aron sa pagsuta kung unsa katinuod ang maong balita.
“Mikabat ngadto sa otso siyentos ka mga pasahero ug tripulante ang gideklarar nga missing ug ang kadaghanan niini gituohang na-trap sa sulod sa maong barko,†sa news anchor pang nagbalita.
Samtang gipakita usab sa video footage ang dagway sa nakulob nga barko ug gilampornas kini sa mga dagko ug kusog nga balod. Gipakita usab ang nabutod nga mga patay’ng lawas.
“Tabang mga silingan! Tabang,†ni nanay Gloria pa dihang nakita ang anak nga kalit lang nalup-og samtang nag-atubang sa TV. Nahigmata na lamang si Arlene gikan sa iyang paghanduraw dihang may kalit nga halok ug midapat sa iyang ngabil. Si Dino. Oo si Dino. “Peace be with you†sa mapahiyumong bana.
Ug misunod usab paghalok sa iyang aping ang upat nila ka mga anak.
Misimba sila sa Sto. Niño alang sa misa pasalamat nga usa si Dino sa 48 ka survivor sa milabay’ng lima ka tuig nga ka sumaran gikan sa pagkalunod sa MV Princess of the Stars tungod sa bagyong Frank. (Kataposan)