Gipara sa babaye ang taksi nga nagdanga-danga sa ilang nahimutangan. “Asa ka magpa-drop?†gipangutana si Larry sa babaye. “Atubangan lang sa barangay hall sa Lorega,†mubo niya’ng tubag.
Dihang nakakanaug na si Larry sa taksi, gipahiyoman pa siya sa babaye nga wala gayud niya mailhi kun si kinsa. “Bye,†mao ra ang nadungog ni Larry sa dayong sirado sa babaye sa pultahan sa taksi.
“Nadugay ka lagi ron pagpauli boss,†matud sa usa ka tanod nga mitimbaya kang Larry. Mipahiyom lang si Larry ug wala motug-an kun ngano nga nadugay siya pagpauli.
Mideritso siya pagpauli. Sirado ang balay kay giingnan man siya sa iyang asawa nga dad-on ra niini ang ilang anak sa pagbilar sa namatay niya nga classmate didto sa Labangon.
Bisan og gikapoy si Larry sa iyang kumbati sa babaye, apan dugay siya nga giabot og duka. Gihuna-huna niya ang nahitabo. Diha sa iyang huna-huna kun kinsa kaha kadtong maong babaye.
Sa iyang pamanit masabot nga dili usab kini maisip nga mayukmok nga pagka babaye kay mao man gani ang mibayad sa ilang gisakyan nga taksi ug mao pa ang mibayad sa motel.
Apan walay mahimo si Larry kay wala mohatag og contact numbers kaniya ang maong babaye. Ang babaye ra ang nasayud kun asa si Larry makontak kun gusto kini og laing deyt.
Milabay ang mga adlaw. Didto sa police station, gitigum sila si Larry sa ilang hepe. Gipahibalo sila nga adunay kamandoan ang city director nga molusad og saturation drive sa mga manuyopay og shabu sa usa ka drug den diha sa Barangay Kamagayan.
Dili teritoryo sa Waterfront Police ang Kamagayan apan gituyo nga ang mga polis sa Waterfront ang gitahasan sa paghimo og saturation drive kay wala kini mailhi sa Kamagayan.
Ang mga sakop sa Parian Police Station gitahasan lang nga magsilbi nga perimeter guard. Tuod, usa si Larry sa gitahasan nga magsilbi nga decoy, magpatoo nga addict.
Sleeveless nga T-shirt ang gisul-ob ni Larry ug pinayong-yong ang kawo, apan dili mailhan nga nagdala siya’g armas tungod sa iyang US-made nga secret holster. Alas tres sa hapon didto na si Larry naglibot-libot sa CitiCenter Commercial Complex, naniid.
Usahay magsugat-sugat sila og ang kauban niya nga polis nga ang usa nagpatoo nga mamaligyaay og ice candy. Basi sa gikasabotan ang laing polis nga advance party sa raid mosulod nga magpatoo nga balut vendor.
Target nila nga rondahon ang drug den nga ilado kaayo sa mao nga dapit apan gihulagway nga untouchable. Sagad sa mga customer mga batan-on. - Sumpayan