Dali nga gipaandar ni Artemio ang iyang kotse. Gitan-aw sila sa mga tawo mao nga gipadagan dayon niya ang sakyanan. Gikontak dayon ni Artemio ang iyang opisyal. “Sir dia na uban kanako ang subject, on the way nami diha sa opisina.â€
“Asa diay ko nimo dad-a?†nangutana si Carol kang Artemio. “Sa among opisina sa Gorordo. Hangyo lang nako nimo Carol ha ayaw gayod paghikap nga ablihan nimo ang pultahan aron dili mahanaw ang akong pagsalig kanimo,†pintok ang tingog ni Artemio.
Mihunong si Artemio ug giparking niya ang kotse daplin sa karsada. Nanaug siya ug gituyo niya nga mitabok siya didto sa atbang ug nagpasumangil nga motuman sa sugo sa lawas apan gilantaw niya si Carol sulod sa kotse.
Nakita ni Artemio nga nagdali-dali si Carol sa pagsuway nga mabuksan niini ang pultahan sa kotse nagpanglingi kini ngadto kaniya. Igo lang mipahiyom si Artemio nga nagtan-aw kay wala gayud makaabli si Carol.
Mibalik siya sa kotse. “Karon nahanaw ang akong pagsalig kanimo Carol kay motinguha gayud diay sa pag-ikyas. Dili nimo kana maabli kun dia ka sa sulod, gituyo ko kana.â€
Tungod sa gipakita ni Carol nga motinguha diay siya sa pag-ikyas, napugos si Artemio pagposas sa iyang dinakpan. Mihilak si Carol ug nagpakilooy apan wala siya paminawa ni Artemio.
“Gipanid-an ko lang ikaw kun angay ka ba nga saligan apan moikyas ka man diay. Wala ko’y laing mahimo gawas sa pagsiguro nga dili ka makaikyas,†matud ni Artemio.
Gidala ni Artemio si Carol ngadto sa iyang hepe. “Mao kini siya sir si Caroline Tagsip nga anaa sa warrant.†Nalipay kaayo ang opisyal ni Artemio ug mikontak dayon sa ilang labaw.
“Nagpasalamat si sir nimo Artemio ug siya ra kuno ang mobawos nimo,†matud sa opisyal ni Artemio human makig-estorya sa ilang labaw.
“Buyno, ihatud nako kini sa korte sir si Carol para mahibalo na ang judge nga nadakpan na siya. Permission to leave sir!†misaludo si Artemio ug mibiya uban ni Carol.
“Pwede mangaon usa ta kay gigutom ko. Wala ra ba hinoon ko’y nadala nga kwarta,†matud ni Carol. “Walay problema, pakan-on tika sa canteen,†ni Artemio pa.
Didto sa canteen gisuginlan ni Carol kun ngano nga wala niya mabayari ang mga alahas nga gikuha niya gikan sa asawa sa opisyal sa kapolisan mao nga siya gikiha.
Nalooy si Artemio kang Carol. “Unya, unsaon man nimo karon, makabayad ka sa pyansa nga P30 mil?†Naghinuktok si Carol nga nakadungog sa mao nga kantidad. Anam-anam nga milugmaw ang luha sa iyang mga mata. - Sumpayan