Wala ko masayod kun unsay akong ipangatarongan kang Daniel mahitungod sa botelya sa beer nga iyang nakita sulod sa among kuwarto.
“Kinsa man diay tag-iya sa maong botelya ug nganong naabot man na dinhi sa atong kuwarto, loves?†Gipangutana na sab ko ni Daniel dungan ang pagtindog ug mipadulong sa bentana. May gilili siya sa gawas.
“Ku-kuan, loves,†matud ko nga nakabunlot dayon og pamutbot. “Usahay dad-an ko’g katol sa atong helper dinhi kay dunay lamok nga makasulod ug dinha niya ipatong sa botelya.â€
“Dili diay ka mogamit og spray?â€
“Alergy man gud ko sa baho sa spray,†matud ko.
“Mao ba?†Miyangoyango si Daniel.
Miluagluag ang akong gibati kay wala na mopasupot si Daniel og laing pangutana. Wala madugay nanggawas na kami sa kuwarto ug miadto sa komedor. Nangaon kami. Samtang nangaon, akong gibati nga ingon sa naibtan ko’g tunok nga nakalusot sa posible nga bulilyaso sa binuhatan namo ni Camilo.
Pagkahuman namo og pangaon, nanghagad si Daniel kanako nga mangadto mi sa balay nilang Papa Juan. Maoy gusto niya nga amo silang mabisita. Gusto kuno siyang mokaon og linusak nga saging.
Gihidlaw na kuno siya niining maong matang sa netibong pagkaon. Ug mao kini ang permi niyang kan-on didto sa ila, sa Bohol.-- Sumpayan pa