Dear Professor Tata Swami,
Nagdagan daw ko sa murag valley kay naay bata naggukod nako, mura siya og beggar. Naa sa akong left pocket akong cellphone sa right side ang wallet. Hangtod nadakpan gyud ko sa bata, iyang kuhaon akong celfone. Nakigbugno ko niya, akong gitadyakan iyang nawng. Hangtod naka buhi ko pero sige lang ko dagan kay sige man siya gukod nako, iya jud kuhaon akong phone. Kapoy na daw kuno kay ko, sige ko paningkamot nga mopaspas og dagan mora na hinuon og di ko kalihok,hinay na hinuon akong dagan. Unsa buot pasabot ani ma'am. thank you in advance. -Mad’s friend
Mad’s friend,
Ka ngilngig ning damgoha! Kung single ka, pagkadaghan nimo og awom sa buko-buko ug sa lugar nga ikaw ra ang angay makakita. Kay kini imong damgo nagpasabot nga naa may gusto kaayo manghilabot nimo bisan pa man ug wa ka manghilabot. Bantayi ang imong mga lihok, labi na sa mga minyo. Kahibaw ko nga balewala ra ni nimo, pero gamay nimong lihok ngadto sa mga minyo, makapaselos sa ilang mga asawa. Naay mga balita o’ mga libak nga mag sunod nimo. Gikan sa mga minyo o’ sa mga tawo nga naay uyab. Naay nagkagusto nimo nga mga pulos naay mga kabilinggan.
Kung minyo man gani ka, likay na lang gyud aning mga tawo nga mobutang-butang nimo kay duolonon man gud ka unya selosan gyud ka dayon bisan wa kay gibuhat nga dautan, ok?
Kung naa man gani kay mga in-law nga dili mo magkasinabot, bantayan lang na imong mga lihok unya kung maligas ka’g gamay, isumbong dayon ka nga ikaw makasasala.
Kung single ka pero naay uyab, naay naibog ani imong uyab nga gusto kaayong magkabuwag mo aron siya ang mopuli. — Prof. Tata Swami, D' Swami (Descendant of Professor Swami)
P.S. Katong gusto magpada og SUWAT, ipadala lang sa address Hubad sa Damgo Banat News Cor D. Jakosalem and V. Gullas Sts. Barangay Sto. Niño 6000 Cebu City, Philippines
* * *
Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: beyonddreams2112@yahoo.com.