Nag-alindasay si Berto. Wa makatulog labot sa gisulit kaniya ni Elda ganinang hapon. May gibug-aton ang sulti niya. Nakasala ba siya? Unsay buot ipasabot ni Elda...?
“Bert, magkita kita sa Florida Hotel ugma sa hapon...!†matud pa ni Elda.
“Ngano man, Elda...? Sukna ni Berto.
“Basta...., ayaw lang pangutana,†dayong lakaw ni Elda.
Pagkabuntag, sayo sa opisina si Berto. Si Elda wala motungha. Ambot ngano ....! Misibat siya pagkahapon ug midalikyat sa Florida Hotel nga may gilay-on gikan sa iyang buhatan. Duol sa hagdan, nakita ni Berto nga nagbarogbarog si Elda ug giduol dayon niya uban ang pangumusta. Igo lang mikihat si Elda kang Berto nga misaka sa hagdan paingon sa lawak sa hotel.
Gitakpan ni Elda ang lawak ug gihagkan si Berto. Gihuboan niya sa sinina ang nakalitan nga Berto. Nasabtan niya ang gihimo ni Elda. Mao nga gihuboan sab dayon niya si Elda nga tapaludo na lang ang nahabilin ug gisapnay pahigda sa kama.
“Sige, na, Bert...!†Paraygong agda ni Elda samtang naghigda sa kama.
Taudtaod nang nagkauyab si Berto ug Elda. Mga duha katuig. Apan ang relasyon nila gililong sa ilang mga kauban sa opisina lakip na sa anak babaye ni Elda nga si Gina. Buotan si Gina ug pinangga sa inahan. Talisud na sa first year college si Gina tingbukas sa klase. Abogada ang iyang kuhaon sama sa namatay niyang amahan. Bata pa si Gina sa dihang namatay ang abogado niyang amahan. Wa pa siya’y kabuot....!
Sa matintalong agda, giligo sa halok ang mga aping ni Elda ug giukoban dayon ni Berto ang mga ngabil. Ug nalimot sila sa kalibutan. Gipahimuslan nila ang katam-is sa himaya niadtong hapona.
“Nalipay ka ba, Bert....?†Nangutana si Elda.
“Sangko sa langit ang akong kalipay ug misamot ang gugma ko kanimo, Elda...! Nagkanayon si Berto dungan ang paghalog kang Elda sa ikaduhang romansa.
Tapus niini, mitimbakuwas si Elda nga mikuha sa gisab-it nga sinina ug miingon: “Bert, pamati...!†Namulong si Elda nga nagkuha sa sudlay sulod sa pitaka.
“Nagkasulti kami ni ‘Day Gina kagabii. Di siya buot nga may lain pang tawo ang mo-ilog sa akong pagmahal ngadto kaniya. Sukad karon, putlon na ang atong relasyon.†May gibug-aton ang pamulong ni Elda samtang nanudlay atubangan sa salamin.
“Nganong gibuhat man nato kini....?†Pangutana sa nakalitan nga Berto.
“Kay nakasaad ako kanimo gahapon...!†Dali nga tubag ni Elda.
“Unya, unsaon ta man lang ang atong gugma...?†Nangutana na sab si Berto.
“Charge to experience. Isipa nalang nga ako ug ikaw mga suod nga higala...!†Misutoy paglakaw si Elda gawas sa lawak padulong sa hagdan sa hotel. Gibiyaan si Berto nga kahilakon ug nanghuyhoy intawon ang mga abaga. (Katapusan)