Gula 49
Dunay lalaki nga mikanaog sa sakyanan nga gikuyogan sa among kora paroko sa among parokya. Kinsa man kaha kining maong lalaki? Nakasukot ko sa akong kaugalingon. Mao na kaha kini ang bisita ni papa? Mora ra bag celebrity ang pamarog. Ang iyang sex appeal makadani gyud og babaye.
Paggawas ni Papa Juan gikan sa sulod sa balay. Ingon sa nahinangop ang akong amahan pagkakita sa nahiabot.
“Daan pa lagi ko nga ikaw gyud ang nahiabot,†matud ni Papa Juan ngadto sa lalaki ug miamen si Papa sa among pari. “Imo diay siyang gihatod, Padre,†matud ni Papa.
“Maayong hapon,†matud sa lalaki nga naulahi ang pagpangatahoran.
Wala ko motingog. Naghinan-aw lang ko nila.
“Tuod,†ni Papa Juan pa nga mitudlo kanako, “si Maria, ang akong kinamagulangang anak.â€
“A, diay ba,†sa lalaki pa nga mipahiyom kanako dayong tunod sa binukhad niya sa tuong kamot. “Kumosta ka, Maria?â€
“M-maayo man,†nako pa nga midawat sa kamot sa lalaki ug naglamanohay kami.
“Siya si Brader Daniel, Maria,†paila ni Papa Juan sa lalaki diri kanako. “Mao siya si Danilo ang giingon kong semenarista nga ari mopuyo sa atong balay sulod sa usa ka buwan.â€
Wala ko masayod kun unsay ipakita reaksiyon nga nahimamat ko na gyud ang usa ka tawo nga alagad sa Diyos. Mora man gud og gibati ko ang tumang kabakikaw sa iyang atubangan. Nabatyagan ko nga morag nanginit ang akong aping. -- Sumpayan pa