Alang kang Albert, ang gisulti sa amahan ni Vanessa nga HIV positive si Vanessa sama sa usa ka til-as nga migimok sa sulod sa iyang kaisipan. Nagtuo siya nga nataptan usab siya sa maong sakit tungod kay nakighilawas man siya kang Vanessa. Dili kay kausa lang sila mahitabo kun dili kadaghan!
Naglaming siya sa iyang kuwarto hangtod sa hapon. Ug wala na siya mokaon sa panihapon. Wala siya batiag kagutom. Wala siya’y ganang mokaon.
Niini, nagmatingad-on ang iyang inahan. Dili ginhapon nga iya kining buhaton ug suheto niini si Nang Gloria.
“Albert, ablihi kining pultahan.†Tingog sa iyang inahan ang iyang nabati.
Wala motingog si Albert. Nagpabilin siyang nagkulob sa iyang kama.
“Gawas una diha’g kadiyot, Albert,†matud na usab sa iyang inahan. “May bisita ka. Ania si Eking.â€
“Brod, naunsa ka na?†Tingog na usab ni Eking ang iyang nadungog. “Di ba lang ko nimo pasudlon?â€
Mihinay pagbangon si Albert ug giablihan ang pultahan.
“Unsa bay nahitabo nimo?†sukit dayon sa iyang inahan. “Kaganina ra akong nakamatikod sa paghiuli mo nga nagmut-og ang imong nawong.â€
Wala motingog si Albert. Gitalikdan niya sila si Eking ug iyang Mama Gloria. Ingon sa dili siya gustong moatubang og tawo.
“Brod Al, may problema ka na ba usab?†gikan ni Eking ang pangutana. -- Sumpayan pa