“Tug-ani ko Lin kun ngano nga misulod ka man niining maong panginabuhi pagbaligya sa imong pagkababaye,†giingnan ni Manny si Lina.
Tuod, gisaysay ni Lina ang iyang kaagi ngadto ni Manny. Human kuno siya gitalikdan sa iyang boyfriend nga misaad kaniya nga mangasawa didto sa Bohol, nahanaw kaniya ang paglaum.
Mianhi si Lina sa Cebu nga walay kapaingnan. Nahigala niya ang usa ka babaye samtang nagbarug-barug siya sa Colon nga naghangad sa dakung department store.
Nalooy kaniya ang babaye kay wala siya’y dapit nga kahigdaan niadtong gabhiona mao nga gidala siya niini didto sa iyang gipuy-an.
Diha pa niya masayri nga pagbaligya sa dungog ang panginabuhian sa maong babaye. Sa unang higayon matud ni Lina nga dili g’yud siya gusto nga mahimong Magdalena apan wala siya’y trabaho aron mabuhi.
Ang amiga niya nga si Zeny maoy mibugaw kaniya og gibaligya siya’g usa ka libo ngadto sa mestizo-insik nga nasugatan nga migawas gikan sa department store.
Sa unang gabii sa iyang pagpamoring, mikita si Lina ug P1,900 mao nga naikag na siya niining maong bisyo. Gisaysayan ni Lina si Manny nga dili na siya makaihap kun pila ka lalaki ang nakatilaw kaniya.
Bisan sa gisaysay ni Lina kang Manny, apan sa tan-aw ni Manny kang Lina mora’g nagpabilin ang kabigot sa iyang lawas nga mora’g wala mahilabti.
Ang usa lang sa timailhan nga may kasinatian na si Lina sa mga lalaki mao ang iyang pamanit, ilabi na sa bukton nga may pagka bitay na.
Mihunong si Lina pagsaysay sa iyang kaagi apan nagsigi siya’g hapohap sa kilid ni Manny nga naghigda nga nagtakilid paatubang kaniya.
“Luoy ‘sab ang imong kaagi no. Paninguha nga makahunong ka niining maong trabaho Lin,†tambag ni Manny kang Lina.
Sa tanto nga hapohap ni Lina kang Manny, anam-anam nga nanginit ang ulitawo. Si Lina maoy nangunay sa paghukas sa tanang salimbong sa kalawasan ni Manny. Takulahaw lang nga mibangon si Junior nga nabag-iran sa kamot ni Lina.
Sukad-sukad karon pa makasuway si Manny nga nakig-uban siya’g Magdalena. Karon pa usab niya masuta nga pwerte’ng ayoha ni Lina nga modala’g romansa sa kama.
Wala makapugong si Manny sa pagpahit sa kaugalingon niya nga wait tungod sa grabeng kalalim nga iyang gibati. Alang kaniya bisan pa’g hatagan niya’g usa ka libo ka pesos si Lina human sa ilang kumbati dili kini bugti sa iyang kalipay.
Daw moaksyon og limbag-limbag si Manny tungod sa grabeng kalalim.(Sumpayan)