Gikabig ni Albert si Vanessa ngadto sa iyang dughan. Ug hugot niyang gipiyong ang iyang mga mata. Ang mga kamot ni Vanessa gibalikos sa hawak ni Albert. Ug padayon sila nga naglakaw sa hinay.
Namatikdan ni Albert nga mibati siya karon og kaluoy kang Vanessa. Talagsaon kini nga pagka-babaye.
Nanglabay ang laing mga adlaw. Usa ka buntag niana, dihang nanggawas na sila si Albert sa trabaho nagsabot sila ni Vanessa nga manuroy na usab. Maoy gusto ni Vanessa nga mangatulog sila ug tupad silang duha.
“Mamahuway una ta, Albert, mangatulog ta,†matud ni Vanessa.
“Mamauli na hinuon kita,†nagkanayon si Albert.
“Dili lang ta mamauli,†tubag ni Vanessa.
Ug mipara dayon og taxi si Albert ug iyang gimandoan ang driver nga ihatod sila sa labing duol nga hotel.
Ug sa dihang didto na sila sa sulod, wala mopakita’g pagtutol si Vanessa sa dihang gisugdan ni Albert pagpanangtang ang tanang salimbong sa lawas niini. Ug nahisama kini sa usa ka buotang nating karnero nga mipasagnunot sa dihang iya kining gihinay pagpahigda sa kama.
Nasuta ni Albert nga may kasinatian na si Vanessa sa pagpakigdula sa usa ka lalaki ibabaw sa kama. Lahi kini kang Josheba nga masabot kaayo nga wala pay alamag bahin sa performance sa sex. -- Sumpayan pa