Goodbye is not Forever Gula16

Layo ang giluparan sa hunahuna ni Albert. Sa daklit nahinumdom siya kang Vangie. Una niyang trato si Vangie. Dugay na kadto diha pa sila sa ikaduhang ang-ang sa hayiskul mga batan-on pa kaayo sila.

Wala siya mahigugma sa dalagita. Wala sa hunahuna ang iyang pagpangulitawo niini. Natukbil lang siya sa kamahagit-hagiton niini sa lalaki.

Hinuon, dili bastos og dagway si Vangie. Patsada kini’g barog. Seksi. Maayo usab modala og biste.

Dili siya alkanse sa iyang pagkatrato kang Vangie. Nakuha niya ang pagka-babaye niini ug siya gayod ang nakauna. Mag-17 pa lang si Vangie niadtong higayona. Naangkon niya kini sa dakong kasayon tungod kay ingon sa gusto usab sa babaye nga mahitabo kadto kanila. Curious kaayo ang dalagita nga ila kadtong buhaton. Dili niya mahimong kalimtan si Vangie bisan wala siya mahigugma niini tungod kay ang mahait nga mga kuko niini nga midulot sa iyang panit niadtong unang higayon nga gigisi niya ang kaputli niini nagbilin og uwat sa iyang bukobuko. Birhen si Vangie nga iyang nakuha.

Apan lahi si Josheba kay kang Vangie! Didto kini maglanoglanog sa kahiladman ni Albert. Nakapanglingo siya. Ingon sa dili gayod siya makahimo sa sama sa iyang gibuhat kang Vangie ngadto kang Josheba. Taas kaayo ang iyang respeto sa pagka-babaye sa iyang hinigugma. -- Sumpayan pa

Show comments