Natawo si Elpidio Quirino kaniadtong Nobiyembre 16, 1890 didto sa Vigan, Ilocos Sur. Usa siya ka abogado. Sa wala pa siya mahimong presidente sa nasud, usa siya ka diputado, senador ug bise-presidente.
Mipuli siya sa paglingkod sa Malakanyang kaniadtong Abril 15, 1948 sa pagkamatay ni Presidente Manuel Roxas sa atake sa kasingkasing.
Sa eleksiyon sa 1949, gikasangka niya si Wartime President Jose P. Laurel Sr. sa pagkapamuno-nasud sa atong republika. Midaog siya sa bugnong lugaynon sa politika sa atong nasud niadtong tuiga.
Namugna ang Central Bank of the Philippines ubos sa iyang administrasyon sa 1949.
Apan natay-og ang iyang administrasyon sa 1951 gumikan sa golden orinola’ scandal nga nagkantidad og singko mil ka pesos niadtong panahona.
Biyudo si Quirino kay gipamatay man sa mga Hapones ang iyang asawa ug tulo ka buok mga anak atol sa ‘Liberation of Manila sa 1945’.
Usa na lang ka buok babayeng anak niya ang nahabilin nga mao si Vicky Quirino. Namatay si Quirino kaniadtong Pebrero 29, 1956 sa iyang pinuy-anan sa Novaliches, Quezon City.
Mahinumdoman siya sa iyang panultihon nga, “so live that you look at every man straight in the eye.”