Dunay nianhi nako nga sa dakong pagtuo nga gibinuangan siya. Alang niya biktima siya sa usik ug barang.
Sa akong bahin, possible pud sanglit niduol man siya og mga tambalan kun atong subayon ang lista sa mga gipangduol niya, ubay ubay na gyud intawon sila.
Ang mga doctor dunay findings ug kini ang diabetes. Kasagarang masinati sa dunay diabetes maminhod ang iyang mga tiil, paa.
Ug kun taas na gani ang blood sugar, mahimong dunay hallucination usab visual, auditory o tactile.
Sa maong panagtagbo, ako siyang gihatagan og mas realistic nga panahom kalabot sa iyang kahimtang. Ug kini naglangkob ning mosunod:
1. Ang pagdawat sa findings gikan sa habig sa punto medical nga tungod niini kinahanglang iyang tumanon kun unsa man ang gimando sa iyang doctor labina ang pagtomar sa mga tambal.
2. Disiplina labina sa pagkaon nga kontra sa iyang balatian.
3. Pag ehersisyo aron panington.
4. Pagsalikway sa bisan unsang negatibong pagbati ug hunahuna sanglit negativities attracts demons.
5. Pagsalikway sa bisan unsang patuo tuo nga nagpakita lamang sa atong pagkawalay pagtuo ngadto sa Dios sa kasegurohan.
Dugang pa niini, ako siyang gipasaligan sa akong makanunayong pag-ampo alang kaniya ug sa iyang kahimtang.
Walay imposible sa Dios, ang tanan dunay tubag ug kahupayan. Sa akong bahin, nakaamgo ako nga kining mga tawhan nga niduol nako nisalig nga ako silang iampo busa angayan lamang nga dili nako sila pakyason.