“Kining mga polis diri sa siyudad wala man gyud kasumpo aning problema sa ilegal nga drugas labi na diri sa pagutlan kay puwerte nang daghana sa mga pusher.”
Brgy Cabancalan, Mandaue City
“Sa sitio Pilit sir kay grabe na kadagko sa mga libaong kun mag-uwan mosawom gyud ang mga sakyanan lahos na gyud na sa may tulay wala man gyud ni maatiman dugay na kaayo ning problemaha.”
Brgy Alang-Alang, Mandaue City
“Sa Pulangbukid dapit Sir kay daghan na kaayong mga basura dugay kaayo kuhaon sa truck hasol kaayo sa mga tawo nga mangagi unya usahay baho pa gyud kaayo.”
Brgy Matab-Ang, Toledo City
“Patabang unta ko sir Jun kay akong mama nga senior citizen nabiktima sa salisi sa sulod sa MC Donald gikuha iyang bag nga dunay sulod alahas balor 60mil pesos atong Hulyo 27 pero hangtod karon wala pay aksyon ang mga polis.”
Brgy Calamba, Cebu City
“Ang problema namo diri sa sitio Kabrass Sir kay gihimo na mang dumping site sa ubang mga tawo kay dili man sila kamao mag-segregate sa ilang mga basura.”
Brgy Cantucong, Carmen, Cebu
“Magpatabang lang unta mi Sir nga among karsada diri dagko kaayo’g libaong nahimo nang kanal ang karsada daghang mga motorista ang nalimbuwad pero among mayor diri wala gyud pakabana.”
Brgy Balirong, City Of Naga
“Naunsa na man ning among lugar daghan na man kaayong namaligya’g ilegal nga drugas unsa man diay gamit aning mga polis diri sa among siyudad sige lang dawat suweldo unya way trabaho?”
Brgy Bulacao, Talisay City
“Diri sa among dapit sa may Fatima kay problema kaayo ang ilegal nga drugas labi na inig ka gabii daghan kaayong moari nga mga tawo wala nami kaila magsuotsuot sa kabalayan maong daghan nang nabiktima sa kawat sad diri.”
Brgy Mohon, Talisay City
“Isumbong lang nako Sir ning among silingan diri sa Lower Mohon nga sakop sa 4P's kay sugarol kaayo unya ilang balay gihimong sugalan, luoy lang mi sa lima nila ka anak kay wa kapahimulos kay mahurot man sa sugal ang gihatag sa gobiyerno.”
Brgy Capitol Site, Cebu City
“Amo lang ning ireklamo ang secretary sa barangay diri kay naay gipaboran kay gibalibaran ko niya nga makakuha’g brgy clearance para sa akong maguwang pero amo silingan nga ig-agaw niya ang gikuhaan og clearance gihatagan kay kaila man nila.”
Alang sa inyong reklamo text lang sa 09071678643