Sa mga pundok-pundok diin molikoy ang hisgut-hisgot ngadto sa relihiyon ug Bibliya, konsultahon dayon ko sa mga ka-estorya. Kay ang abogado kuno, may taas nga kaalam nga nakab-ot sa pag-eskuyla. Busa, taas sab kuno og kaalam mahitungod sa relihiyon o Bibliya. Inig kadungog nila sa akong liberal nga panahom kalabot sa relihiyon, mangutana dayon sila “free thinker diay ka attorney?â€
“Dili ko free thinker. True thinker†maoy akong tubag. “Ngano man?†sa kaestorya nako dapit sa too. “Sa akong pangidaron karon nga hapit na mosayisinta, katulo na ko kasugat og free thinker,†nako pa. “Unsa may hitsura anang free thinker?†niya pa. “Tawo ra gud. Sama nato. Ako lang gipangutana kun unsay iyang tinuhoan. Niya pa, “free thinker†dugang nako. “Unsa may ilhanan nga free thinker siya?†sa akong kahinabi.
“Sa akong nasabtan nila, di sila gustong masayod sa tinuod. Kay di man sila motubag kun pangutan-on. Ang ilang gusto luboglubog. Kun mangutana ka nila, tubagon ka’g laing pangutana.†“Mao ba?†sa akong katupad.
Dihay kausa, nangutana ko niya. Do you believe in God?†“Define belief?†maoy iyang tubag. Ug atong tubagon, mangutana na sab seguro’g dugang “define God?â€. Sa akong tan-aw kining mga free thinkers (mga self-appointed/self-annoined), dili magkapundok. Wa man ko kadungog og organization of free thinkers. Mora’g mas naa pay organization of Atheist People (kadtong di mutuo nga dunay Diyos).
Ang mga free thinkers, sa akong pangagpas, selfish thinkers. Ego centered. Ila lang kaugalingon ang gihunahuna. Sila lang ang husto kanunay, sa ilang hunahuna.
Maong dili sila magkapundok. Di magkahugpong. Di magkahiusa. Individual sila. Loner. Kay dili kasalig sa laing tawo.
Balikan nako, true thinker ko, kay mangita ko’g kamatuoran sa Bibliya. Unya, masayran sab nako nga duha ang kamatuoran sa Bibliya. Una, maayo nga kamatuoran. Ang maayo nga kamatuoran angay masayran nato aron ang atong kinabuhi ibatay sa maong kamatuoran. Angay sab natong masayran sa Bibliya ang dautan nga kamatuoran. Aron atong malikayan. Ug aron makadepensa kita batok niini.
Ang mga maayong kamatuoran naglangkob sa mga maayong pagtulon-an gikan sa pulong sa Diyos Amahan ug mga pulong ni Jesus. Ang mga dautang kamatuoran mao ang mga dautang hitabo nga gibuhat sa mga tawo nga nahisgutan sa Bibliya. Sa bag-o lang nasaysay sa Genesis ang kaagi sa tawo, naa na diha ang pagpatay sa igsuon sa iyang igsuon tungod sa kasina. Naa diha ang mga anak babaye nga nakighilawas sa ilang amahan. Naa diha nasaysay ang usa ka babaye nga gi-gang-rape og usa ka tribo. Naa diha ang daghang masaker sa sugo mismo sa Diyos Amhan.
Dapat lang masayran nato ang mga dautang kamatuoran aron atong malikayan ug masabtan nato ang mga tawong nagpuyo batay sa mga dautang kamatuoran. Kun dautan ka’g kasingkasing, pagtulon-ang dautan imong sundon.
Apan kun putli ka’g kasingkasing, mga maayong kamatuoran lang imong puy-an ug isangyaw.(Atty. Conchito E. Germino, Upper Canduman, Mandaue City)