Ex-boxer nasikop sa buybust  operation

Nagpailang kanhi boksidor nadakpan sa buybust operation sa kapolisan diha sa Barangay Pardo, Cebu City.

CEBU, Philippines — Kapin sa 50 gramos nga gituohang shabu ang nasakmit sa kapulisan atol sa buy-bust operation nga misangpot sa pagdakop sa usa ka 21-anyos nga kanhi boksingero sa Upper Lusimba, Barangay Pardo, ning dakbayan, alas 1:20 sa hapon, Lunes, Nobyembre 16.

Giila ang dinakpan nga si alyas “Ken-Ken,” 21, residente sa Sitio Laguna, Barangay Bulacao, Cebu City.

Ang operasyon gipahigayon sa mga personahe sa Regional Police Drug Enforcement Unit 7 (RPDEU7), kauban ang Police Station 7 sa Cebu City Police Office (CCPO), ubos sa koordinasyon sa Philippine Drug Enforcement Agency (PDEA) 7.

Gisubay usab sa mga otoridad ang gigikanan sa ilegal nga droga nga gituohang gikan sa usa ka tawo nga giila lamang sa alyas “El Mavy.”

Nasakmit gikan sa suspetsado ang unom ka pakete sa gituohang shabu, lakip ang usa ka pakete nga gigamit sa transaksiyon sa poseur buyer, ug kuwarta nga gigamit isip buy-bust money.

Mag atubang ang dinakpan sa kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002. (BANAT NEWS)

Show comments