CEBU, Philippines — Ang gobiyerno nawagtangan kini og P88.2 bilyones nga buhis gumikan sa mga peke nga person with disability (PWD) disability cards.
Si Senador Sherwin Gatchalian nagkanayon nga ang bag-ong teknoliya makatabang sa pagpakgang sa mga tawo nga dili angayang makapahimulos sa diskwento.
Si Gatchalian kinsa nangulo sa Senate Ways and Means Committee public investigation nakabantay sa pagkuyanap sa mga peke nga PWD cards nga gipalit diha sa social media market places sa tag P500 ngadto sa P1,500 nga kantidad.
Matud ni Gatchalian nga ang Department of Social Welfare and Development molusad kini sa bag-ong technological initiative sa sayong bahin sa tuig 2025 diin tumong niini ang pagsumpo sa pagdaghan sa mga peke nga PWD IDs sa Pilipinas diin planong moimplementar sa central verification system alang sa tanang PWD cards.
Base sa gidaghanon sa mga PWD nga nahistro sa census ug sa Department of Health gibana-bana ni Gatchalian nga adunay 1,847,015 ka legitimate nga Filipino nga PWDs diin ubos kini sa gidaghanon sa illegitimate nga niabot ngadto sa 8,535,141 nga nigamit og mga pekeng ID cards.
Nunot niini, gipadayag ni Gatchalian ang kalamposan sa Dakbayan sa Bacolod sa pagsulbad sa maong isyu pinaagi sa innovative technology.
Ubos sa pagmunoan ni Mayor Albee Benitez, ang Bacolod niimplementar og system links PWD ID cards ngadto sa central datebase diin ma-verify ang authenticity sa card pinaagi sa QR codes.
Matud usab ni Gatchalian nga ang maong sestema paspas kini ug efficient ang proseso ug namenos ang paggamit sa mga pekeng PWD IDs.
Gipadayag ni Gatchalian nga ang kalamposan nga pamaagi sa Bacolod ang naghatag og pamaagi sa National Commission on Disability Affairs (NCDA) ug DSWD sa pagplano sa nationwide rollout sa samang teknolohiya sa unang quarter sa tuig 2025. — /BDB (BANAT NEWS)