CEBU, Philippines — Mokabat sa 5,136 ka mga reklamo ang nadawat sa EcoWatch ang online platform nga gimugna sa City Environment and Natural Resources Office (Cenro) sa siyudad sa Mandaue.
Kasagaran sa mga reklamo mao ang kalapasan kabahin sa waste management ilabi na ang pagpataka og labay sa mga basura ug wa makolekta nga basura sa mga barangay.
Ang barangay Guizo nakatala sa labing daghang nga reklamo nga moabot sa 1,455 ka kaso ug gisundan sa barangay Centro nga dunay 713 ka mga complaints ug barangay Mantuyong nga dunay 696 ka tahu.
Suma pa sa pangu sa Cenro Araceli Barlam nga ang EcoWatch gimugna aron mapalig-on ang pagpanalipod sa kinaiyahan ug mapalambo ang koleksyon sa basura.
Ang platform direkta nga motahu sa reklamo ngadto sa mga hingtungdan nga barangay alang sa dinalian nga aksyon.
Kining maong gidaghanon sa natala nga reklamo naggikan sa buwan sa Enero hangtud sa Septiyembre ning tuiga.
Sa maong kalamboan ang City Environment and Natural Resources Office (Cenro) mohimo pa sa pagpalig-on sa online platform alang sa pagpanalipod sa kalikopan. (BANAT NEWS)