CEBU, Philippines — Napuno karon og pagpadayag og pahasubo ang Lungsod sa Sibonga tungod sa pagtaliwan ngadto sa laing kalibutan sa ilang mayor.
Ang Kapitolyo pinaagi sa Sugbo News nga opisyal nga news group niini nipadangat usab og pahasubo sa pagtaliwan ni Mayor Lionel Bacaltos kagahapon.
“Let us pray for the eternal repose of Mayor Balondong, as we condole with his bereaved family, friends, relatives, and the entire people of the Municipality of Sibonga”, matud sa Probinsiya sa Sugbo.
Sa oras sa pagsulat sa maong balita wala pay kompirmasyon gikan sa pamilya ni Bacaltos. Si Mayor Gerald Anthony “Samsam” Gullas, Jr. pinaagi sa Facebook page niini ni-post sa iyang hulagway uban kang Bacaltos nga adunay caption “Sakita sa akong gibati ron oi. Kuyog pa man tawn ta gabii Mayor Balondong”.
Ug sa comment section sa iyang post iyaha usab nga gipakita ang ilang hulagway sa mga mayor sa primero distrito atol sa ilang meeting niadtong Septiyembre 24, 2024 sa gabii.
Si Gobernador Gwendolyn Garcia nagkanayon nga nakurat usab siya sa pagtaliwan sa mayor nga iyang gihulagway nga “dedicated public servant, loving husband and father, a trustworthy ally and a dear personal friend”.
Si Garcia nagkanayon nga si Bacaltos grabe ang paninguha nga aron mapadangat ang mga programa ug proyekto sa Kapitolyo ngadto sa Lunsod sa Sibonga alang sa mga residente niini.
“He possessed that unique ability to bring out smiles and laughter from every person he met. And he always had a ready smile for everyone”, matud ni Garcia.
“Mayor Balondong (as he is fondly called) has gone too soon. We will all miss him. May the Lord grant him eternal rest”, dugang ni Garcia.
Si Daanbantayan Mayor Sun Shimura kinsa maoy Presidente sa League of Municipalities of the Philippines (LMP-Cebu Chapter) nagkanayon nga sila nasubo usab sa pagtaliwan sa ilang kauban nga mayor kinsa iyang gihulagway nga tinuod nga public servant ug maayo niyang higala. — BDB BANAT NEWS