CEBU, Philippines — Legislative building sa Cebu City Hall ipaubos sa rehabilitasyon
Nikabat ngadto sa P19 milyones ang budget appropriation nga gisugyot alang sa rehabilitasyon sa legislative building sa Cebu City Hall
Ang konseho sa siyudad nisugyot usab sa pagpahigayon og executive session aron pagtuki sa maong proyekto. Si Konsehal Jerry Guardo, chairman sa committee on infrastructure niusab sa naunang resolusyon ug nagpatawag og executive session aron mapresentar ang mga plano sa renovation.
Giaprobahan sa konseho ang pagpahigayon og executive session karong Septiyembre 25, 2024.
Ang Office of the City Budget Officer niisyu ug certification niadtong Hunyo 28, 2024 alang sa renovation sa legislative building diin ang pundo kuhaon gikan sa account sa Sangguniang Panlungsod-Secretariat capital outlay diin aduna pa kini P80 milyones nga nahibilin nga pundo.
Ang Program of Works and Estimates (POWE) giandam ni Engineer Lowell Corminal sa Department Of Engineering and Public Works (DEPW) nga maoy unang naghatag og endorsement sa pag-charge sa maong proyekto. —/BDB (BANAT NEWS)