CEBU, Philippines — Nibalik na sa pagpanakop sa kadalanan sa Siyudad sa Sugbo ang Sugbo Bike Lanes Enforcers.
Nasayran nga 25 ka Bike Lanes Enforcers ubos sa SBLB operations section ang gipakatap sa mga kadalanan sa siyudad isip dugang pwersa sa pagpatuman sa balaod sa trapiko.
Matud sa Legal and Education sa SBLB Rex Ulila dili momenos sa 200 ka drayber ang nakalapas sa lagda sa trapiko ug nadakpan sa mga operatiba sa Sugbo Bike Lanes sulodd lang sa unom ka adlaw.
Kasagaran sa mga nadakpan nakalapas kini sa Cebu City Traffic Code 801 ug City Ordinance No. 2408.
Ang Sugbo Bike Lanes Board subsob ug seryoso sa pagpatuman sa mga balaod sa trapiko lakip na ang mga sidewalk.
Adunay hugot nga pagtambayayongay ang Sugbo Bike Lanes Board ug Cebu City Transportation Office-Road Management Authority sa tanang mga kalihokan ilabi na sa pagpatuman sa traffic code sa Siyudad sa Sugbo.
Ang mga Sugbuanon giawhag nga mosunod gayud sa lagda sa trapiko tungod kay dili sila magpanuko sa pagpanakop sa mga drayber nga malapason. (BANAT NEWS)