CEBU, Philippines — Usa ka High Value Individual (HVI) nga pusher ang nadakpan sa hiniusang buy bust operation sa mga sakop sa Consolacion Police Station ug Cebu Provincial Police Office (CPPO) alas 3 pasado niadtong Lunes sa kadlawon diha sa Laray Barangay Jugan sa Lungsod sa Consolacion.
Si Police Lieutenant Colonel Antonio Ananayo Jr., hepe sa Consolacion Police Station miila sa ilang nadakpan nga mao si Randy Cabugasoin, alyas Bugtong, 43 anyos nga nagpuyo sa sitio Lawis sa Barangay Pasil siyudad sa Sugbo.
Nasakmit nga ebidensiya mao ang 300 ka gramo nga shabu, nga nagkantidad og P240 mil, 850 ampules sa gituohang nubain nga nagkantidad og P212,500.00 ug ang P15, 500 nga buy bust money.
Sa laing bahin pito usab ka mga tawo ang nadakpan sa kapolisan sa siyudad sa Mandaue apil ang pito ka motorista nga nakuhaan og shabu atol sa checkpoint sa kapolisan sa Presinto 1 sa MCPO nga gipangulohan sa ilang hepe nga si Police Major Michel Andy Rockey. —MEL BANAT NEWS