CEBU, Philippines — Gipahibalo ni Presidente Ferdinand "Bongbong" Marcos Jr., nga makapaabot dugang mga imprastarktura ang isla sa Mactan aron mas mapanindot niini ang isla ilabi na nga giisip kini nga premier tourism destination sa nasud.
Si Marcos namahayag nini atol sa gipahigayon nga capsule laying ceremony sa Mactan Expo Center sa Mactan Newtown sa miaging Sabado Abril 27, 2024. Matud pa nga ang Department of Public Works and Highways migahin og mokabat P2.9 billion nga infrastructure projects para sa Lapu-Lapu karong tuiga.
Kini mao ang nagpadayong road widening projects nga mkatabang kaayo sa pag - decongest traffic paingon ngadto sa major thoroughfares sama sa Mactan Circumferential Road ug Mactan Airport Road.
Dugang pa niini ang tabang para sa 3.3 kilometrong four-lanes Cebu-Mactan 4th Bridge nga dunay gahin nga P76.412 bilyones nga magsumpay sa Barangay Ibo tabok ngadto a may Cansaga Bay Bridge sa Mandaue City.
Kaabag sa maong proyekto ang Japan International Cooperation Agency (JICA) nga mipahuwam og 120 billion Yen, o P50 bilyones.
Si Marcos mibisita sa Sugbo isip pinasidunggang dinapit sa ika- 503rd Kadaugan sa Mactan sa miaging Abril 27, 2024. — /IBM (BANAT NEWS)