CEBU, Philippines — Gipangulohan nila ni Lapu-Lapu City Mayor Junard "Ahong" Chan ug Congresswoman Cindi King-Chan ang pagtunol sa awards ug plaque of appreciation sa mga mananaog sa Sad-Sad sa Kadaugan 2024.
Ang maong indigay gipahigayon sa niaging gabii diha sa Liberty Shrine sa Barangay Mactan.
Ang konsehales sa siyudad nga gilangkuban nila ni Annabeth Cuizon ug Celestino Aying, kauban ang school division superintendent Dr. Marilyn Andales ug Dr. Ronald Ferrer, assistant school superintendent nitambong usab sa awarding ceremony.
Ang mga award gilangkuban sa mananaog sa grand showdown kinsa ang napiling grand champion mao ang contingent no. 2; 1st runner up ang contingent no. 8; 2nd runner up ang contingent no. 7; 3rd runner up ang contingent no. 4; 4th runner up ang contingent no.10 ug napili kining champion sa street dancing.
Sa street dancing, napiling 1st runner up ang contingent no. 8; 2nd runner up ang contingent no. 2 ug napili kining best in costume; napiling best in musicality ug best choreography ang contingent no. 8. — /BDB (BANAT NEWS)