CEBU, Philippines — Nagbilin og P105 mil nga danyos ang sunog nga niulbo sa A. Soriano Street, Barangay Carreta ning Dakbayan sa Sugbo, alas-11 pasado sa gabii adlaw nga Sabado.
Ang sunog naglambigit og residential houses nga giingong ila nila ni Ricky Arropo ug Lito Salinas. Ang sunog nakontrolar ra dayon nunot sa pagtinabangay sa mga tawo ug paspas nga pagresponde sa kabomberohan.
Walay gikataho nga nakalas o naangol sa maong pag-ulbo sa sunog.
Duha ka mga panimalay ang hingpit nga naugdaw diin unom ka individual ang apektado niini. Padayon pa nihimo og imbestigasyon ang kabomberohan nga gipangulohann ni FO1 Pedia Canillas ang imbestigador sa Cebu City Fire Station kung unsay hinungdan sa pag-ulbo sa maong sunog. — /IBM (BANAT NEWS)