CEBU, Philippines — Gipasidunggan sa Mandaue City Environment and Natural Resources Office ang mga buhatan kinsa malampuson nga nakapatuman sa ilang Solid Waste and Management Program diin nagsilbi sila nga mga modelo nga buhatan subay sa gihingusgan nga tukmang paghipos sa mga basura.
Naglakip sa mga buhatan nga gipasidunggan mao ang City Disaster Risk Reduction Office and Management Office, City Veterinary Office, Department of Environment and Natural Resources, Traffic Enforcement Agency of Mandaue, Pag-ibig Mandaue, City Nutrition Office, City Mayors- Admin Office, Department of Education Mandaue City Division, City Budget Office, City Hospital ug City Assessors Office.
Subay niini, gihatagan usab og espisyal nga pagpasidungog ang City Health Office isip most outstanding improve ug ang Department of Educataion sa Manndaue City isip most innovative.
Si Mayor Jonas mao ang nitunol sa certificate of awards uban ni Architect Aracele Barlam, pangulo sa CENRO sa Siyudad sa Mandaue. BDB BANAT NEWS