CEBU, Philippines — Higpit karon ang gihimong pagpangandam sa Mandaue City Police Office alang sa paghatag og seguridad sa traslacion nga gikatakda sa Enero 19, 2024.
Si Police Colonel Maribel Getigan, directlor sa MCPO nagkanayon nga isip kabahin sa ilang pagpangandam nipahigayon sila og koordinasyon sa mga ahensiya sa kagamhanan kabahin sa pagmentinar sa kahapsay ug kalinaw.
Matud ni Getigan nga ang maong kalihokan higpit nga bantayan sa 814 ka polis, force multipliers ug mga personnel gikan sa naagkadaiyang ahensiya sa kagamhanan.
Ang traslacion maoy adlaw sa pagbisita sa imahen ni Senior Santo Niño sa simbahan sa iyang amahan nga si San Jose nga nahimutang diha sa National Shrine of Saint Joseph sa Barangay Centro sa Siyudad sa Mandaue.
Ang maong pagbisita sa imahen ni Señor Santo Niño diha sa Naional Shrine of Saint Joseph ang nahimo na nga kabahin sa mga pagpangandam alang fluvial procession nga manukad diha sa Barangay Looc sa Siyudad sa Mandaue sayo sa buntag sa Enero 20, 2024 diin mao usab kini ang adlaw sa pagbalik sa imahen ni Santo Niño diha sa Basilica Minore del Santo Niño sa Siyudad sa Sugbo.