CEBU, Philippines — Niabot ngadto sa 59 ka bag-ong nadawat ug na-promote nga pampublikong magtutudlo sa elementarya ug high school sa Dakbayan sa Talisay ang nanumpa sa katungdanan.
Gianunsiyo kini ni Mayor Gerald Anthony “Samsam” Gullas, Jr. human ang mga bag-ong magtutudlo diha nanumpa kaniya.
Si Gullas nipadayag sa iyang kalipasy nga adunay bag-ong mga magtutudlo nga modungag sa gidaghanon nga motudlo sa kabataan.
Gibutyag ni Gullas nga ang edukasyon lakip sa 8-point agenda sa iyang administrasyon.
Nanghinaot si Gullas nga ang kabataan makat-on sa ikaduha nila nga ginikanan ug magsilbi kini nilang inspirasyon nga makab-ot ang ilang mga damgo sa kinabuhi.
Uban ni Gullas sa pagpanumpa mao ang mga sakop sa konseho sa siyudad ug opisyales sa Department of Education (DepEd) sa Dakbayan sa Talisay. BDB (BANATNEWS)