CEBU, Philippines — Usa ka patay’ng lawas ang napalgan diha sa Sitio Mahayahay sa Barangay Labogon, Siyudad sa Mandaue. Ang biktima adunay samad pinusilan ug tinigbasan nga maoy gituohang hinungdan sa kamatayon niini. Giila ang maong patay’ng lawas nga mao si Joselito Pineda Jr., taga Purok Chicos sa Barangay Labogon sa maong siyudad.
Si Police Staff Sergeant Reymond Romares sa Presinto 3 sa Mandaue City Police Office (MCPO) miingon nga base sa paghiling sa mga sakop sa Scene on Crime Operation sa patay'ng lawas duna kini samasd pinusilan sa ulo ug tinigbasan sa abaga.
Gisusi pa sa imbestigasyon ang background sa biktima aron masubay ang motibo aron mahibaw-an kun kinsa ang posibleng nagpatay sa biktima. (BANAT NEWS)