CEBU, Philippines — Gipasalig sa Visayas Command (VisCom) nga i-sustinir nila ilang mga kalihukan aron masiguro ang kalinaw sa Visayas Region atol sa 3rd Quarter VISCOM’s Multi-Sector Advisory Board (MSAB) Meeting.
"Our security effort is doing well; and we should continue this trend as VISCOM is not only on the forefront of the AFP’s campaign in the Visayas region, but also one at the top on numbers in terms of accomplishment,” sigon ni Lieutenant General Benedict Arevalo, Commander sa Visayas Command.
Dili pa lang dugay nga na-report nga sa 3rd Quarter sa kasamtangang tuig, ang VisCom naka neutralized og kinatibuk-ang 79 ka NPA fighters ug nakasakmit og 110 firearms ug 25 ka anti-personnel mines.
Matud sa VisCom ang maong kalampusan resulta kini sa suporta ug kolaborasyon sa komunidad ug sa mga Local Government Units aron molampos ang nagkalain-laing peace initiatives aron motahan ang mga rebelde ug mobalik sa sabakan sa balaod.
Apil niini ang mga peace initiatives sama sa Barangay Development Program diin moabot sa 569 community development projects ang na-implimentar sa tibuok rehiyon.
Gilangkuban ang proyekto og Potable Water System, Farm to Market Road ug Barangay Health Centers nga nakatabang sa kalambuan sa kahimtang sa pamuyo sa katawhan partikular na niadtong naa sa mga lagyong komunidad ug naghatag sab kini nila og livelihood opportunities.
Si Cebu Archbishop Jose Palma nga mao sab ang Chairperson sa VISCOM’s MSAB mipadayag sa ilang hugot na suporta sa mga programa sa VISCOM alang sa kalinaw.
Nagpasalamat sab si Arevalo sa MSAB sanglit nagpabilin silang madasigon sa pakigbatok sa CPP-NPA.
"We thank you for your participation as we appreciate the things that you have been doing for VISCOM. You give us inspiration and motivation to do better in this part of our country”, ni Arevalo pa. (BANAT NEWS)