CEBU, Philippines — Gihingusgan sa kapolisan sa Dakbayan sa Talisay ang ilang programa nga Oplan Bakal.
Si Police Lieutenant Colonel Wayne Magbanua, hepe sa kapolisan sa Dakbayan sa Talisay nibutyag nga matag gabii nila gilibot ang nagkadaiyang dapit sa siyudad.
Kini aron maabog ang mga kriminal ug mahipos ang menor de edad nga naglibudsuroy sa lawom na nga gabii. Ang grupo nila ni Magbanua naka-rescue og tulo ka batan-on nga naglaroy-laroy sa lawom na nga kagabhion.
Samtang 15 ka indibidwal ang ilang nasita gumikan sa paghubo-hubo diha sa pampublikong lugar.
Giapil nila sa pagbadlong ang mga nagmaneho sa motorsiklo nga walay helmet.
Dugang ni Magbanua nga magpdayon ang ilang programa pag-abog o pahipos sa mga badlongon. — BDB (BANATNEWS)