CEBU, Philippines — Ang pangulo sa Prevention Restoration Orderly Beautification Enhancement (PROBE) Aderson Comar nihagit sa opisyales sa barangay nga maghimo og PROBE diha sa ilang barangay.
Matud ni Comar nga angayang adunay Barangay PROBE Team aron aksiyon dayon 24/7. Si Comar nagkanayon nga andam ang ilang buhatan sa pagtabang sa mga barangay official aron aduna sila’y kaugalingong team nga mohimo ug clearing operations sa mga malapason diha sa ilang area of responsibility.
Gipadayag ni Comar nga kong aduna na unya’y kaugalingong PROBE team ang barangay han-ay, limpyo ug hamugaway na unya ang dakbayan sa Sugbo tungod kay sa barangay level pa lang kahibalo na sila ug asa ug kinsa ang mga nakalapas sa balaod.
Naglaom si Comar nga adunay mga opisyal sa barangay ang motubag sa maong hagit. — /BDB (BANAT NEWS)