CEBU, Philippines — Patay ang 57-anyos nga babaye human kini nabanggaan samtang kini nilabang sa pedestrian lane diha sa Sitio Hi-way, Brgy. Pung-ol, Sibugay sa Dakbayan sa Sugbo niadtong Biyernes sa hapon.
Ang biktima nga si Jenny Cinco Jorre, residente sa nahisgutang lugar samtang ang nakabangga kaniya mao si Rudyard Romero Condrado, 19, estudyante ug residente sa Sitio San Miguel, Brgy. Apas sa Dakbayan sa Sugbo.
Sa imbestigasyon sa Mabolo Police Station alas- 5 pasado sa dayon ng kilom-kilom kini nahitabo.
Ang suspek nagmaneho sa iyahang motorsiklo gikatahong mi-overtake sa usa ka sakyanan nga naa sa iyang atubangan nga nimenor.
Uwahi nang nakabantay si Condrado nga maong nimenor ang sakyanan tungod kay pedestrian kini ug gipatabok niini ang biktima. Apan mi-overtake ang motor ug napunggit hinuon si Jorre.
Nakaangkon og daghang samad ug bun-og ang biktima ug dali nga gidala sa Cebu City Medical Center (CCMC) apan pipila ka oras nakabsan sa kinabuhi.
Gitanggong na karon ang drayber sa motor diha sa Police Community Precinct (PCP) aron pasakaan og kasong Reckless Imprudence Resulting to Homicide.- Dannahli Pogado, Romeo Marantal (BANAT NEWS)