CEBU, Philippines — Gipahibalo sa state weather bureau nga PAGASA kagahapon adlaw nga Biyernes nga official ng nagsugod ang declared Friday the start of the rainy season o tinguwan dinhi sa nasud.
Sumala pa sa PAGASA kining nasinati nga katag-katag nga paguwan, panugdog ug kilat, ang pabiya na sa bagyong Betty (Mawar) ug hanging habagat maoy nagdala aning mga pag-ulan nga nasinati sa kasadpang bahin sa Luzon ug Visayas nagpasabot nga nagsugod na ang tinguwan.
Ang Pilipinas naapil sa gitawag og Type I nga klima, ang gipasabot niini nga basa (sige og uwan) gikan sa Hunyo hangtud sa Nobiyembre samtang uga (tinginit) ang nahibiling mga buwan.
Gipasabot sab sa PAGASA nga dunay panahon nga walay uwan nga gitawag og monsoon breaks nga usahay molanat og pipila ka adlaw.
Gipahibalo sab sa PAGASA nga hinayhinay ng nasinati ang transisyon sa El Niño nga gipaabot mahitabo sa mosunod nga mga buwan. Gipaabot nga mabatyagan ang El Niño sa unang kwarter sa 2024.
Kun dunay El Niño masinati ang below-normal rainfall conditions nga posibleng moresulta sa huwaw sa pipila ka bahin sa nasud.
Apan posible sab nga mokusog ang habagat nga posible sab nga magmugna og dili normal nga pagsige og bunok sa uwan sa kasadpang bahin sa nasud.
Karong tuiga, duha palang ka bagyo ang nisulod sa Pilipinas, ang Amang ug Betty. Ang nasud bisitahon og dili momenus 20 ka bagyo kada tuig nga nagbilin og grabeng kadaut ug daghang kinabuhi nga nakalas.— Gikan sa Philstar.com, IBM (BANATNEWS)