CEBU, Philippines — Giapuran og mga fire extinguisher sa kabomberohan ang halos tanang sitio sa Barangay Poblacion, Dakbayan sa Talisay.Si Fire Chief Insp. Alvin Torion, fire marshal sa siyudad nibutyag nga ilang gibisita ang matag sitio uban sa mga opisyales sa barangay.
Kini aron ilang matudloan ang matag purok sa mga pamaagi sa pagpawong sa kayo ug unsaon sa paglikay nga mahitabo ang sunog.
Usa sa ilang gitudlo mao ang pagpawong sa nagkayo nga LPG tank.
Uban usab ni Torion si konsehal Danny Caballero, chairman sa committee on disaster resiliency nga nagdala sa mga fire extinguisher.
Ang pagpanghatag og fire extinguisher nahimo na kini ni Torion didto sa Barangay Lawaan 3.
Apan karon pinaagi sa konseho ug ni Caballero naa na silay kahimanan nga magamit sa pagpawong sa kayo. —/MEL (BANAT NEWS)