CEBU, Philippines — Giimbitar sa Cebu City Agriculture Department (CAD) ang mga konsituwente niini nga mahimong kabahin sa batch 2023 sa Filipino Young Farmers Internship Program (FYFIP) didto sa Taiwan.
Ang FYFIP sa Taiwan nakig-partner sa Manila Economic and Cultural Office (MECO) ug
Taipei Economic and Cultural Office in the Philippines (TECO) alang sa usa kasabotan sa pagpatuman sa usa ka internship program alang sa mga kwalipikado nga batan-ong Pinoy nga mag- uuma.
Naglangkob kini sa pag-angkon sa mga kahanas ug kahibalo pinaagi sa modernong mga pamaagi sa agrikultura ug pangisda lakip ang pagdumala sa pinansyal nga aspeto, kooperatiba, ug pagpauswag sa mga katakus, disiplina, ug uban pa.
Ang FYFIP Batch 2023 bukas alang sa tanang kwalipikadong mga kabatan-onan nga naa sa pagpanguma dinhi sa Central Visayas.
Pipila sa qualifications niini mao ang lalake ug babaye nga nag edad og 18 ngadto sa 36 anyos sa panahon sa aplikasyon.
Mahimong anak sa usa ka mag-uuma o mangingisda, nagdumala og Learning Site sa
Agriculture o Farm School; adunay kasamtangang luna bisan unsa pa ang gidak-on ug kahimtang sa pagpanag-iya niini.
Kinahanglan usab nga walay live-in partner, walay anak, graduate sa highschool (senior
high school level), undergraduate kon college level, ug technical o vocational graduate.
Nalakip usab sa qualification ang nagtrabaho sa bisan unsang trabaho sa panahon sa aplikasyon.
Kinahanglan usab nga adunay labing menos usa (1) ka tuig nga kasinatian sa pagpanguma,
adunay maayo nga kahanas sa komunikasyon ug kahanas sa English; andam magtuon sa Mandarin ug
bag-ong teknolohiya; dunay balido nga pasaporte sa Pilipinas sulod sa labing menos duha (2) o lima (5) ka tuig. (BANAT NEWS)