CEBU, Philippines — Ang Pilipinas uban sa duha ka leading destinations niini ang nakakuha og nominasyon sa 2023 World Travel Awards ubos sa Asia Category.
Si Tourism Secretary Christina Garcia-Frasco mianunsyo nga ang Pilipinas na-nominate na sab isip Asia’s Leading Beach Destination sa 2023 edition sa WTA, human kini nakadaog sa susamang category sa WTA 2022 nga gipahigayon sa Vietnam sa niaging tuig.
Karong tuiga, nominado na sab ang Pilipinas isip Leading Dive Destination sa Asia, usa ka award nga kanunay niini makuha sulod na sa upat ka tuig gikan sa tuig 2019 ngadto sa 2022. “We are extremely elated upon receiving the news on these nominations at the landmark 30th anniversary of the World Travel Awards (WTA). These recurring nominations clearly manifest the growing global travel demand into the Philippines, one that we aim to sustain in the coming days through the initiatives we have laid out for the tourism industry’s recovery and transformation post pandemic,” matod ni Frasco.
Ang Sugbo nominado sab isip Leading Wedding Destination sa Asia samtang ang Intramuros nominado na sab isip Leading Tourist Attraction sa Asia karong tuiga, award kini nga nadag-an niini sa niaging tuig.
Ang Department of Tourism nominado sab isip Leading Tourism Board sa Asia 2023 WTA.
Ang pagboto alang sa mga modaog sa WTA ubos sa nagkadaiyang categories buksan inigka Pebrero 20 hangtod Marso 19, 2023.
“I invite my fellow Filipinos as well as our foreign friends to show some love and help keep the travel momentum for the Philippines. Sign up and cast your votes now,” awhag ni Frasco. (BANATNEWS)