CEBU, Philippines — Grabeng naangol ang usa ka tawo nga biktima sa pagpanigbas sa gikainom niining silingan diha sa barangay Gairan sa siyudad sa Bogo.
Si Police Staff Sergeant Leliano Pepito Jr. imbestigador sa Bogo City Police Station miila sa biktima nga mao si Erlindo Rondina Tolero, 57 anyos nga usa ka mag-uuma ug ang suspetsado mao si Oscar Pepito, 44 anyos nga usa ka tricycle driver.
Matud pa ni Police Staff Sergeant Pepito nga nananghid ang suspetsado sa biktima nga mopauli na kay magluto kini og panihapon apan gisundan kini sa biktima ug nagpunay og pangayo og dugang ilimnon.
Hugot nga nagdumili kini sa paghatag hangtod nga misangko sa ilang panaglalis ug mikuha og sundang og gihan- an sa pagtigbas ang suspetsado.
Apan nailog sa suspek ang sundang og misumbalik sa pagtigbas ngadto sa biktima nga maoy hinungdan sa pagkaangol niini.