CEBU, Philippines — Dul-an 500 ka titulo sa luna ang giapud-apod og libre sa Registry of Deeds alang sa mga tag-iya niini sa lungsod sa Dumanjug atol sa Caravan of Provincial Government Services kagahapong adlawa. Kasagaran ang mga land owners kinahanglan mobiyahe pa sa dakbayan sa Sugbo aron lihukon ang mga titulo sa ilang luna ug dili momenus P2,500 ang mabayad depende sa gidak-on sa luna.
Si Atty. Ariel Condat sa Provincial Register of Deeds nagkanayon nga nisanong ang Kapitolyo nga dad-on ang mga serbisyo sa gobiyerno ngadto gyud sa nataran sa mga nagkinahanglan.
Gawas sa paghatag sa titulo, mipahigayon pud og medical, dental, optical, diagnostic, ug laboratory services ang probinsya atol sa Caravan of Services niini.
Apil pud sa gipahigayon ang libre nga legal advice gikan sa Provincial Legal Office ug konsultasyon sa Provincial Assessor’s Office ug Provincial Agriculture Office. (BANATNEWS)