CEBU, Philippines — Ang Cebu dancing inmates sa Cebu Provincial Detention and Rehabilitation Center (CPDRC) gipaabot nga adunay laing pasundayag sa sayaw nga himuon karong bulana.
Ang Provincial Tourism Office nipahibalo niini pinaagi sa ilang Facebook page nga ang CPDRC dancing inmates mopahigayon og laing public performance karong Oktubre 15, 2022, adlaw kini nga Sabado.
Ang mga gusto nga mosaksi mamahimong magparehistro sa Provincial Tourism Office sa Kapitolyo hangtud sa Okbure 7, 2022.
Adunay registration nga P250 diin apil na niini ang transportation fee gikan sa Kapitolyo padulong sa CPDRC ug balik sa Kapitolyo, show fees ug snacks.
Sa mga gustong mosaksi sa maogn presentasyon ang assembly area anha sa Capitol Heritage Park ug giawhag ang motambong nga kinahanglang moadto 30 minutos sa dili pa ang oras sa show.
Duha ka shows ang giaandam sa CPDRC inmates nga magsugod sa ala 1:00 sa hapon ug sa alas 2:00 sa hapon.
Ang CPDRC dancing inmates gilusad kini og balik sa Kapitolyo karong tuiga. BDB (BANATNEWS)