CEBU, Philippines — Mokabat sa P52.2 milyones pesos ang gibiling danyos sa sunog nga miigo sa merkado publiko sa Siyudad sa Danao alas 8:18 ang takna sa miaging Huwebes sa gabii.
Si Senior Fire Officer One Ronald Telleda, imbestigador sa Danao Fire Station miingon nga gatusan gayod ka mga stalls ang naugdaw. Giingong 80 porsiyento sa maong merkado ang naugdaw.
Gideklarar nga general alarm ang maong sunog hinungdan sa pagtabang sa uban pang kabomberohan sama Mandaue City Fire Office (MCFO) Consolacion ug uban pa. Walay gikataho nga naangol o kinabuhing nakalas sa maong hitabo. Padayon pa ang kabomberohan sa pagsubay kun asa ug unsay sinugdanan niini. —/IBM (BANAT NEWS)